يعتبر الفيلم هو الجزء التاني من فيلم Prometheus , بيبتدى الفيلم بوجود الروبوت (ديفيد) و (ويلاند) رجل الأعمال فى مكان فاضى و بيختبر (ويلاند) قدرة (ديفيد) علي تنفيذ مطالبه و بيقول له ان هو بمثابة أبوه و ان هو اللى خلقه و بيسأله (ديفيد) انت مين اللي خلقك لكن (ويلاند) مش بيعرف يرد و بيقول له ان انا خلقتك عشان ندور على اجابة للسؤال دا…
بتظهر بعد كدا السفينة الفضائية (كافينانت) سنة ٢٠١٤ و اللي بيكون عليها اكتر من ٢٠٠٠ شخص و ١٠٠٠ من الاجنة و بيظهر فيها الروبوت (والتر) اللي بيأدى دوره نفس الشخص اللى بيأدى دور (ديفيد) ، بيظهر و هو بيتطمن علي الاشخاص اللي موجودين علي السفينة و اللي بيكونوا في غرفة التجميد لكنهم بيفوقوا أثناء ما السفينة بيحصل فيها خلل كبير و بيحاولوا انهم يهربوا من غرفة التجميد لكنهم مش بيقدروا ينقذوا صاحبهم (چاكوب) اللي بيموت متفحم و بتزعل (دانيالز) علي موت حبيبها (چاكوب)…
Source
